बाँके, २३ भाद्र ।
बाँके प्रहरीले मंगलबार अवैध केराउ सहित तीन जनालाई पक्राउ गरेको छ । जिल्ला प्रहरी कार्यालय, बाँके र प्रहरी चौकी बेतहनीबाट खटिएको प्रहरीले मंगलवार दिउँसो अवैध केराउसहित तीन जनालाई पक्राउ गरेको हो ।
अवैध रुपमा नेपालबाट भारततर्फ लैजाँदै गरेको अवस्थामा ३७५ किलाग्राम केराउ र ६ थान साइकल पनि बरामद भएको जिल्ला प्रहरी कार्यालय, बाँकेका प्रमुख प्रहरी उपरीक्षक ओमबहादुर रानाले जानकारी दिए । उनीहरुलाई आवश्यक कारवाहीका लागि जिल्ला प्रहरी कार्यालयमा राखिएको उनले बताए ।