बाँके २८ चैत
बाँकेमा कटुवा पेस्तोलसहित तीन जनालाई पक्राउ परेका छ्न । उनिहरु कोहलपुरबाट प्रहरीको फन्दामा परेका हुन ।
कोहलपुर नगरपालिका १० हाइस्कूल चोक नजिक पैदल हिडिरहेका दुई भारतीय र एक नेपालीको साथबाट कटुवा पेस्तोल र गोली बरामद भएको हो ।
ईलाका प्रहरी कार्यालय कोहलपुरका डीएसपी रविन्द्र खनाललाई सफलता हात परेको छ । ईलाका प्रहरी कार्यालयलाई प्राप्त विशेष सूचनाका आधारमा चेकजाँच गर्दा जिल्ला बहराइच बाबागञ्जका महताप्रसाद खटिक र नकछेद पाछी तथा कोहलपुरका सुरज लामिछानेलाई पक्राउ गरिएको बताउनुभयो ।
पेस्तोल खटिकले कम्मरमा लुकाएका थिए । प्रहरीले उनीहरुका हतियारको बारेमा थप आवश्यक अनुसन्धान भइरहेको ईलाका प्रहरी कार्यालय कोहलपुरका DSP रबिन्द्र खनालले बताउनु भयो।
