बाँके: सुर्योदय माध्यामिक बिद्यालय चिसापानीले सुविधायुक्त भवन पाएको छ । बैजनाथ गाउँपालिका वडा नम्बर १ मा निर्मित उक्त भवनको बैजनाथ गाउँपालिका अध्यक्ष प्रकाशबहादुर शाहीले शुक्रबार उद्घाटन गर्नुभएको छ।
राष्ट्रपति शैक्षिक सुधार कार्यक्रम मार्फत भवन निर्माण सुरु गरिएको थियो । गाउँपालिका अध्यक्ष शाहीका अनुसार कुल ५४ लाख रुपैयाँको लागतमा दुई तले, चार कोठे भवन निर्माण कार्य सम्पन्न भएको हो । भवन निर्माण भएपछि शैक्षिक क्रियाकलाप सञ्चालन गर्न बिद्यालयलाई सहज भएको अध्यक्ष शाहीले बताउनु भयो।
भवन उद्घाटन कार्यक्रममा बैजनाथ गाउँपालिका वडा नम्बर १ का वडाअध्यक्ष रुपबहादुर मल्ल, बिद्यालय ब्यवस्थापन समितिका अध्यक्ष मानसिंह बुढाक्षेत्री, प्रधानाध्यापक दीपकबहादुर शाही, विभिन्न दलका प्रतिनिधि, अभिभावक, बिद्यार्थी लगायतको उपस्थिती रहेको वडा अध्यक्ष मल्लले जानकारी दिए।
