जाजरकोट:कुशे गाउँपालिका वडा नम्बर ९ स्थित जनता माध्यमिक बिद्यालय पैंकका बिद्यालय ब्यवस्थापन समिति सदस्य विवेक आर सि को अध्यक्षतामा कक्षा १० का बिद्यार्थीहरुलाई बिद्यालयको तर्फबाट कक्षा ९ का बिद्यार्थीहरु द्वारा बिदाई कार्यक्रम सम्पन्न भएको छ।
उक्त कार्यक्रममा प्रमुख अतिथि जिल्ला समन्वय समिति सदस्य जित वहादुर आर सि अतिथि शिक्षक अभिभावक संघ समिति संचालक प्रतीम रोकाय लगाएत शिक्षक बिद्यार्थीहरुको उपस्थितिमा कार्यक्रम सम्पन्न भएको थियो ।
कार्यक्रममा कक्षा १० का विद्यार्थीहरुले बिद्यालयमा बिताएका सिकाई सम्बन्धि अनुभव सहित सबैलाई धन्यवाद ब्यक्त गरेका थिए। बिदाई कार्यक्रममा लोकदोहरी गीत,एकल र सामुहिक नृत्य जस्ता मनोरञ्जनका कार्यक्रमहरु आयोजना गरीएको थियो। अन्तमा मायाको चिनो स्वरुप अबिर फुलमाला लगाएर शिक्षक बिद्यार्थीहरुले बिदाई कार्यक्रममा सहभागी कक्षा १० का सम्पुर्ण बिद्यार्थीहरुलाई आगामी उज्ज्वल भविष्यको कामना सहित बिदाई कार्यक्रम सम्पन्न गरीएको प्रकाश उपाध्यायले जानकारी दिनुभयो ।
