कैलाली :जोशीपुर गाउँपालिकामा कार्यरत अधिकृत भानुभक्त उपाध्यायलाई ईलाका प्रहरी कार्यालय भजनिको प्रहरी टोलीले शनिवार दिउसो पक्राउ गरेको हो । पक्राउ परेका अधिकृत उपाध्यायलाई शनिवार बेलुका नै जिल्ला प्रहरी कार्यालय कैलाली ल्याईएको छ ।
जोशीपुर गाउँपालिकामै कार्यरत महिला कर्मचारीलाई बलात्कार गरेको आरोपमा अधिकृत उपाध्याय पक्राउ परेको जिल्ला प्रहरी कार्यालय कैलालीका प्रबक्ता प्रहरी नायब उपरिक्षक प्रतिक बिष्टले बताएका छन् । उनले शनिवार नै अधिकृत उपाध्याय बिरुद्ध मुद्धा दर्ता गरि निजलाई प्रहरी हिरासतमा राखिएको जानकारी दिए ।
