दैबज्ञ रावल जाजरकोट शुुक्रबार ३ बैशाख
जाजरकोट जिल्लामाको नलगाड नगरपालिकामा माओबादी केन्द्र को वडा स्तरीय भेला प्रशिक्षण तिब्ररुपले भएका छन । माओवादी केन्द्रका वडा अध्यक्ष नर बहादुर चन्दको अध्यक्षतामा सप्पन्न भएको हो।
नलगाड नगरपालिकाको वडाको ४ नम्बर वडाको लह खालचौरमा शुक्रबार भएको कार्यक्रममा प्रमुख अथिति माओवादी केन्द्रका सल्लाहकार सदस्य मन बहादुर रावल बिषेश अथिति कर्णाली प्रदेश कमिटी सदस्य तथा नगर प्रमुख टेकबहादुर रावल (दर्शन ) अतिथिहरुमा प्रदेश सदस्य डम्बरबहादुर रावत,पुर्णबहादुर रावल जिल्ला सदस्य राममाया हमाल,अमृत ओली,सुरेन्द्र चन्द लोकेन्द्र बिक्रम शाही,गुमान रावल,वडा अध्यक्ष लक्ष्मी रावल नगर कमिटी सदस्य गोकर्ण बहादुर चन्द लगाएतको उपस्थिति रहेको थियो।
पार्टी प्रवेश एवं प्रशिक्षण कार्यक्रममा नेपाली कांग्रेसमा लामो समय सम्म रहेका शहिद परिवार जिल्ला पार्टी सदस्य टिकाराम रावल र वडा पार्टी सदस्य केदारबहादुर रावल ले प्रवेश गरेका छन । नेपाली काङ्ग्रेस परित्याग गरि जयबहादुर सार्की,ललितबहादुर रावल,बलबहादुर सार्की,प्रेमबहादुर रावल,हासिमाया कामी लगाएत माओवादी केन्द्र मा प्रवेश गरेका छन् ।
नलगाड नगरपालिका को चार नम्बर वडा माओवादी केन्द्रको किल्ला (क्याम्प) भएको र यो क्याम्पले सिंगो मानबजाती परिबर्तन र रुपान्तरणको महाअभियानमा सबैलाई लामबन्धीहुन शन्देस प्रवाह गरेको प्रमुख अतिथी मन बहादुर रावलले बताउनुभयो ।
नगर प्रमुख टेक बहादुर रावलले जनहातेमालो गरेर जनतासामु जान सबै पार्टी कार्यकर्तालाई निर्देशन गर्नुभयो ।
जनयुद्धमा प्रथम शहिद संसार सामु चिनिएको लहको रक्तभुमी मानबहादुर रावल र मानबहादुर ओलीको बस्तीबाटै एकताको सन्देश प्रवाह गरिने नगर प्रमुख रावलले बताउनु भयो भने उक्त कार्यक्रम नलगाड नगरपालिका ४ नम्बर वडा अध्यक्ष लक्ष्मि रावलले सन्चालन गर्नुभएको थियो।
