बाँके:कोहलपुर नगरपालिका वडा नं. १० कार्यालयले हाईस्कुलमा रहेको अस्थाई ट्राफिक पोस्टलाई सवारी सडक दुर्घटना न्यूनिकरण तथा ट्राफिक सचेतना अंकित सामाग्री उपलब्ध गराएको हाई स्कुल ट्राफिक ईन्चार्ज मदन सिंह मातर बताएका छन् ।
कोहलपुर नगरपालिका वडा नं. १० को वडाध्यक्ष गौरा भट्टराईले ट्राफिक प्रहरी सहायक निरिक्षक मदन सिह मातरलाई ट्राफिक सचेतनामूलक सामाग्री हस्तान्तरण गर्नुभएको हो।ट्राफिक व्यवस्थापन एवं सवारी दुर्घटना न्यूनिकरणमा सहयोग पुर्याउने उद्देश्यले सचेतनामूलक नारा लेखिएका ब्यारिगेटर सहित सचेतनामूलक बोर्डहरू वडा कार्यालय मार्फत उपलब्ध गराईएको हो ।
सामाग्री हस्तान्तरण कार्यक्रममा जनप्रतिनीहरू सहित नगर प्रहरी प्रमुख विर बहाुर थापा, स्थानिय व्यवसायी तथा नागरिकहरूको उपस्थिति रहेको थियो ।हाई स्कुल ट्राफिक पोस्ट ईन्चार्ज मातरको जहाँ ड्युटी त्यहाँ परिवर्तन हुन्छ ।
बिगत धेरै पोस्टहरुमा भएका बखत सडक सुरक्षाका लागी ब्यानर ब्यारेल पोस्टर लगाएरका सामाग्री लगाउनेमा सक्रिय मातर हाई स्कुल ट्राफिक ईन्चार्ज भए देखि सडक सुरक्षामा जेब्रा क्रसिङ देखि विद्यार्थीलाई ट्राफिक नियम सिकाउने सम्मका कार्यमा सक्रिय हुनुहुन्छ ।
