जाजरकोट । नेपाल कम्युनिस्ट पार्टी (एकीकृत समाजवादी) जाजरकोटले छेडागाड नगरपालिकामा मंगलवार नगरस्तरीय अगुवा कार्यकर्ता भेला सम्पन्न गरेको छ ।
कार्यक्रममा प्रमुख अतिथि पोलिटब्युरो सदस्य दल वहादुर सुनार रहेको थिए भने जिल्ला अध्यक्ष कृष्ण बहादुर वि.सी., जिल्ला कमिटी उपाध्यक्ष कमान बहादुर खडका, सचिव गंगा बहादुर शाही, उप–सचिव मान बहादुर वुढा लगायतको उपस्थिति रहेको थियो ।
कार्यक्रममा विद्यार्थी, युवा, महिला लगायत २५० जनाको उपस्थिति रहेको थियो । भेलाले अध्यक्षमा गणेश प्रसाद जैसी, उपाध्यक्ष हरिकला नेपाली, सचिव भक्तु जैसी सह–सचिव टेक वहादुर खत्री सहित ५१ सदस्यीय नगर कमिटी गठन गरेको नव निर्बाचित नगर कमिटीका अध्यक्ष गणेश प्रसाद जैसीले जानकारी दिए ।
कार्यक्रमको संचालन डम्वर बहादुर सिंहले गरेको थिए भने वालकृष्ण वुढाले स्वागत मन्तव्य दिएका थिए ।
