काठमाडौं । नेकपा एकीकृत समाजवादीले सरकारमा सहभागी हुने मन्त्रीहरुको नाम प्रधानमन्त्री शेरबहादुर देउवालाई बुझाएको छ । पार्टी अध्यक्ष माधवकुमार नेपालले आफ्नो पार्टीबाट सरकार सहभागी हुने मन्त्रीहरुको नाम बुझाएको स्रोतले बताए । आइतबार बसेको गठबन्धनको बैठकमा अध्यक्ष नेपालले प्रधानमन्त्री शेरबहादुर देउवालाई आफ्नोतर्फबाट सूची बुझाएको स्रोतले बताए । मन्त्रीपरिषदमा सहभागी हुनेमा विरोध खतिवडा, मेटमणि चौधरी, रामकुमारी झाँक्री, प्रेम आले र जीवनराम श्रेष्ठ, किसान श्रेष्ठ र भवानी खापुङ रहेको बताइएको छ । नेकपा एसले ६ मन्त्रालय पाउँदैछ । तर सत्तारुढ गठबन्धनमा कसले कुन मन्त्रालय पाउने भन्नेबारे भने टुङगो लागेको छैन । भोलिसम्म सरकार विस्तार गर्ने तयारी गरिरहेको छ ।
