जाजरकोट जिल्ला नेकपा (माओवादी केन्द्र) जुनिचादे गाउँकमिटी अगुवा कार्यकर्ता भेला तथा प्रशिक्षण कार्यक्रम प्रमुख अतिथी पुर्बमन्त्री एवं नेकपा माओवादी केन्द्र कर्णाली प्रदेश ईन्चार्ज माननीय शक्ति बहादुर बस्नेतको प्रमुख आतिथ्यमा कार्यक्रम सम्पन्न भएको छ।
उक्त कार्यक्रममा नेकपा माओवादी केन्द्रका नेता काली बहादुर मल्ल जाजरकोट जिल्ला नेकपा माओवादी केन्द्र अध्यक्ष ढकबिर राना नेकपा माओवादी जुनिचाँदे गाउँपालिका अध्यक्ष दिप बहादुर घर्ती हिमाल जुनिचाँदे गाउँपालिका कार्यवाहक अध्यक्ष शिवा आचार्य लगाएत नेता कार्यकर्ताहरुको उपस्थितिमा स्थानीयबासि नेकपा एमाले र नेपाली कांग्रेस पार्टी परित्याग गरि माओवादीको नीति माओवादी कै नेतृत्वलाई मन पराएर २६ जना स्थानीय नेकपा (माओवादी केन्द्र) मा प्रवेश गरेका छन् । नब प्रबेशिहरुलाई खादा माला अबिर द्वारा प्रमुख अतिथी लगाएत अतिथिहरुले स्वागत गर्नुका साथै हार्दिक बधाई ज्ञापन गर्नुभएको छ।
प्रमुख अतिथी बस्नेतले जनताको हरेक शुख दु:खमा साथ दिने र आवश्यकता अनुसार उचित जिम्मेवारी प्रदान गर्ने प्रतिबद्धता जाहेर गर्नुभएको छ। साथै जुनिचाँदेले सहिदहरुको बलिदान लाई साकार पार्न पार्टी सदैव लागीपर्ने र त्यसमा आफू निरन्तर लागिरहेको जुनिचाँदे नेकपा माओवादी केन्द्र नेता बेगमान बस्नेतले जानकारी दिनुभयो ।
