बाँके जिल्लाको बैजनाथ गाउँपालिका वडा नं-५ न्यु सिटी खानेपानी तथा सरसफाइ समिति आयोजनाको अध्यक्षमा सोमबार बैजनाथ उद्योग बाणिज्य संघ का अध्यक्ष एवं समाजसेवी जनार्दन पोख्रेल चयन हुनुभएको छ।
पोख्रेलको अध्यक्षतामा नयाँ कार्यसमिति चयनमा वडा अध्यक्ष देब बहादुर रावत र वडा सदस्य दिप बहादुर थापाको रोहवरमा समिति चयन गरिएको हो। जनप्रतिनिधि लगाएत स्थानीयहरुको उपस्थितिमा नयाँ समिति गठन गरिएको वाइसीएल बैजनाथ अध्यक्ष मधु रिजालले जानकारी दिनुभयो ।
न्यु सिटि भाईरल रोडको नामले चर्चामा छ भने पछिल्लो चरणमा सुरक्षाको दृष्टिकोणले वडा सरकार लगाएत स्थानीय नेता कार्यकर्ताहरुको पहलमा अस्थायी प्रहरी चौकी स्थापना गरिएको छ। वडा अध्यक्ष रावतले अब बिकासको मोडेल परिवर्तन गरेर तिब्र गतिमा बिकास गरिने र स्थानीय जनताले प्रत्येक्ष महसुस गर्ने गरि काम गरिने छ । किनभने जनताको सेवा गर्ने भनेर जनताले निर्वाचित गराउनुभएको हो । त्यसैकारण हरेक जनताले यसको महसुस गर्नुहुनेछ हामी जनताको माझमा रहेर नै बिकास गर्ने प्रतिबद्धता गर्नुभएको छ।
