शनिबार बिहान अ.०३:३० बजेको समयमा कोहलपुर नगरपालिका वडा नं.१२ चप्परगौडी स्थित बिशाल सिंह र निर्जन ढकालले पश्चिम तर्फबाट चलाई ल्याएको भे.१३प.२७३ नं.को आर.टि.आर.मोटरसाईकल सडक छेउमा फलफुल खरिद गर्न लागिरहेको अवस्थामा शंका लागि प्र.स.नि.कमल के.सी.को कमाण्डमा खटिएको प्रहरी टोलीले उनीहरु हरुलाई चेक जांच गर्दा बिशाल सिंह ठकुरीको साथबाट ११५ ग्राम ७८० मिलिग्राम र निर्जन ढकालले कानमा लुकाई राखेको २२० मिलिग्राम गरी जम्मा ११६ ग्राम लागुऔषध ब्राउन सुगर फेला पारी पक्राऊ गरेको हो ।
उनीहरूको साथबाट मोबाईल थान-३ (तिन), रु.९,८००।–(नौ हजार आठ सय) थप प्रहरीले बरामद गरेको छ ।
उक्त सम्बन्धमा थप अनुसन्धान गर्दै जाँदा उक्त लागुऔषध भारतको बलई गाउँबाट ल्याएको र उक्त लागुऔषध भारतको बलई गाउँबाट ल्याउँदा बिक्रम सिंह ठकुरी पनि कोहलपुरसम्म उक्त लागुऔषध ओसार पसारमा संलग्न रहेको भन्ने प्रारम्भिक अनुसन्धानमा खुलाएपछि उनलाई समेत पक्राऊ गरिएको प्रहरीले जनाएको छ।
निजहरु तीन जनालाई पक्राउ गरी आवश्यक अनुसन्धान भईरहेको प्रहरीले जानकारी दिएको छ ।
