बारबर्दिया सम्बादाता
बर्दिया
बर्दिया जिल्ला बारबर्दिया नगरपालिकाको आयोजनामा दोस्रो राष्ट्रपति रनिङ्गशिल्ड तथा तेस्रो मेयरकप फुटबल प्रतियोगिता शुक्रबार शुरु भएको छ ।
श्री सरस्वती माध्यामिक विद्यालयमा माघ ११ गते सम्म संचालन हुने प्रतियोगीतामा १४ वटा सामुदायिक तथा २ वटा संस्थागत गरि १६ वटा माध्यमिक तहका बिद्यालयहरुले खेलमा सहभागीता जनाएका छन। बारबर्दिया नगरपालिकाका नगरप्रमुख छबिलाल थारुको सभापतिमा भएको कार्यक्रममा प्रमुख अतिथी तथा प्रदेशसभा सदस्य जन्मजय तिमिल्सेना, विशेष अतिथीमा बारबर्दिया नगरपालिकाकी नगर–उपप्रमुख रत्ना कुमारी पाण्डे लगायतको उपस्थिती रहेको कार्यक्रममा विभिन्न नृत्य मार्चपा लगाएत शुरुको दिनमा प्रदर्शन गरिएको थियो।
विद्यार्थीहरुको संर्वागिंन विकासका निम्ती खेल आयोजना गरिएको हो ।नियमित कक्षाको अध्ययन संगै अतिरिक्त क्रियाकलाप अन्तर्गत बालबालिकाहरुका विभिन्न प्रतिभा प्रस्फुटन गराउने उदेश्यका साथ गरिएको कार्यक्रममा उपस्थिती वक्ताहरुले बताउनुभएको थियो। विभिन्न खेलमा सहभागि रहेका खेलाडी बाट राष्ट्रिय खेलाडीको रुपमा छनौट हुने र बारबर्दिया नगरपालिकाको नाम देश बिदेशम चिनाउन सफल हुने कार्यक्रमका प्रमुख अतिथिले बताउनुभयो । माघ ११ गते सम्म संचालन हुने दोस्रो राष्ट्रपति रनिङ शिल्ड तथा तेस्रो मेयरकप प्रतियोगितामा कबड्डी, सटफुट, फुटबल, भलिबल, दौड लगाएतका खेल प्रतियोगिता हुने आयोजकले जनाएको छ । शुक्रबार भएको उद्घाटन कार्यक्रममा बर्दियाका विभिन्न पालिकाका नगरका प्रमुख, बिद्यालयका शिक्षक, बिद्यार्थि, स्थानिय कलाकार, अभिभावक, सुरक्षाकर्मि, संचारकर्मि सहित स्थानियहरुको उपस्थिति रहेको नगर प्रमुख राज कुमार बि क ले जानकारी दिनुभयो ।
