बाँके:बैजनाथ गाउँपालिका खेलकुद विकास समितिको आयोजना तथा रारा जनचेतना युवा क्लब बैजनाथ १ को समन्वयमा “स्वास्थ्यका लागी खेलकुद राष्ट्रका लागी खेलकुद” भन्ने मुल नाराका साथ चैत १ गतेदेखि आयोजना गरीएको बैजनाथ गाउँपालिका स्तरीय अन्तरक्लब फुटबल प्रतियोगितामा शुक्रबार बिजेता २ समूहले क्वाटर फाईनलमा प्रवेश गरेका छन् ।
शुक्रबार भएको उक्त फुटबल प्रतियोगितामा पहिलो खेलमा न्यु बुद्ध शान्ती क्लब बैजनाथ २ र न्यु विहानी युवा क्लब बैजनाथ ८ लाई पेनाल्टीमा पछि पार्दै न्यु बुद्ध शान्ती क्लब बिजय भएको छ। दोस्रो खेलमा शिवालय युथ क्लब बैजनाथ ५ र रीयल स्टार युथ क्लब बैजनाथ २ लाई पछि पारेर शिवालय युथ क्लब बैजनाथ:५,विजय भएको छ । यो जितसँगै बिजेता दुबै टिम क्वाटर फाईनलमा प्रवेश गरेको फुटबल प्रतियोगिता ब्यवस्थापक तथा बैजनाथ खेलकुद विकाश समिति सदस्य नवराज रावलले जानकारी दिए।
