बैजनाथलाई दीर्घकालीन योजना भ्रष्टाचार मुक्त पालिका बनाउने छु:अध्यक्ष उम्मेदवार युगान्त
बैजनाथ गाउँपालिका नेकपा माओवादी केन्द्र र नेकपा एकीकृत समाजवादी बाटअध्यक्ष पदका साझा उम्मेदवार दिपेन्द्र बहादुर शाह (युगान्त)पिता बल बहादु शाह र आमा अमृता शाहका ५ सन्तान मध्ये जेठा सन्तान दिपेन्द्र बहादुर शाह युगान्त को जन्म कालिकोट जिल्ला नरहरीनाथ गाउँपालिका ८ मा २०३६ चैत्र २८ गते भएको हो । ५ सन्तान मध्ये कान्छा भाई धर्मराज शाह महान जनयुद्धका क्रममा सहिद भएका थिए । २ दिदि बहिनी र १ भाईका साथ (युगान्त) हाल बैजनाथ गाउँपालिका वडा नं ५ मा मा बसोवास गर्दै आउनुभएको छ।
बैजनाथ गाउँपालिकाको बिकाश भ्रष्टाचार मुक्त सैनिक सैलिमा दीर्घकालीन योजनाका साथ चुनावी मैदानमा बैजनाथ गाउँपालिका अध्यक्ष पदका उम्मेदवार पुर्ब जनमुक्ती सेनाका पुर्ब ब्रीगेड कमान्डर युगान्त दलबल सहित चुनावी मैदानमा हुनुहुन्छ ।
राजनैतिक पृष्ठभुमि
२०५४ सालमा बिद्यार्थी राजनीति, २०५५ सालमा छापामार दल हुदै नियमित जनमुक्ति सेना सिपाहीबाट जनमुक्ति सेनाको बिगे्रड कमाण्डरसम्म भएका शाह राजनीति तर्फ पार्टी सदस्य हुदै गण्डक क्षेत्रिय ब्युरो सदस्य र सेनाको जनरल स्टाफ सदस्यसम्मको भुमिका निर्वाह गरेका थिए । शाह हाल नेपाल कम्युष्टि पार्टी (माओवादी केन्द्र) को लुम्बिनी प्रदेश सदस्य सदस्य छन । जनमुक्ति सेनाको कमाण्डरको भुमिका आफुले माग्ने भन्दा पनि पार्टीको आवश्यकताका आधारमा भुमिका खेलिरहेको शाह बताउाछन । “मृत्युलाई हत्केलामा राखेर हिडेको एक योद्धा हुनुको नाताले आज म जे र जुन स्थानमा छु आगामी दिनमा पनि पार्टीको आवश्यकता अनुसार भुमिका निर्वाह गरीरहनेछु” गाँउपालिका अध्यक्ष पदका उम्मेदवार शाहले भने । बिगतमा के भुमिका निभायौ भन्दा पनि देश र जनताको हितमा काम गरिरहेको अवस्थामा गाँउपालिकाको अध्यक्षका रुपमा स्यमंसेवकको रुपमा काम गर्ने उनले उद्घोष समेत गरेका छन ।
समृद्ध बैजनाथ सुखी बैजनाथबासीको मुख्य चुनावी नारा रहेको उहाँको भनाई छ ।
जनमुक्ति सेनामा रहँदा देशभरका ७८ भन्दा बढि ठुला फौजी कार्वाहीहरुमा सहभागी भएका दिपेन्द्र शाह (युगान्त) मुख्य रुपमा म्याग्दीको सदरमुकाम बेनि, अछामको सदरमुकाम मंगलसेन, पाल्पाको तानसेन, रुकुमको खारा, कपिलबस्तुको तौलिहवा, स्याङजाको पुतली बजार, अर्घखाँचीको सन्धीखर्क, जुम्लाको खलंगा, डोल्पाको दुनै, रोल्पाको गाम, कालिकोटको कोटवडा, दैलेखको नौमुले, अछामको बिनायक, जाजरकोटको पाँचकाटिया, लमजुङको भृपुस्ताङ रिपीटर टावर, नवलपरासीको सुनवल, लगायतको फौजी कारबाहीका लागि सफल कमान्डरको रूपमा प्रचित हुनुहुन्छ ।
