कोहलपुर १० वैशाख
युवा संघ नेपाल वैजनाथ गाउँपालिका अध्यक्ष तथा युवा समाजसेवी प्रेम विष्ट्ले मध्य रातमा अस्पताल पुगेर रक्तदान गरेर घाइतेको ज्यान बचाएका छ्न ।
मंगलबार बिहान पुर्व पश्चिम राजमार्ग अन्तरगत कोहलपुर दस बिगाह चोक नजिक ना ७ ख ९३३४ को माहबाहक ट्रकले ठक्कर दिदा गम्भीर घाइते भएका स्कुटरमा सवार कोहलपुर नगर पालिका वडा नं ५ का छवि सिजाली मगरलाइ विष्टले रगत दिएका हुन ।
मगरको उपचारको क्रममा रगतको आवश्यक परेको तर ब्लड बैंकमा तत्काल रगत उपलब्ध नभएको खबर पाएपछी तुरुन्तै बिष्ट बिहीबार गते राती १० बजे नेपालगन्ज मेडिकल कलेज कोहलपुरमा पुगेर रक्तदान गरेका थिए । आफ्नो रगतले कसैको ज्यान बाँच्न सक्छ भने सहयोग गर्नुपर्छ भनेर राती अस्पतालमै पुगेर रक्तदान गरेको विष्ट्ले बताए । अहिले बिरामीको अबस्थामा सुधार हुदै गइरहेको बिरामी कुरुवा अनुपमा रेग्मीले जानकारी दिए । युवा सामाजसेवी विष्ट समाजसेवामा क्रियाशिल युवा हुन ।
