रोल्पामा जिप दुर्घटना हुँदा ३ जनाको मृत्यु

रोल्पामा जिप दुर्घटना हुँदा ३ जनाको मृत्य
दाङ, रोल्पामा जिप दुर्घटना हुँदा ३ जनाको मृत्यु भएको छ । रोल्पाको माडी गाउँपालिका ६ स्थित घर्ती गाउँ नजिकै आइतबार बिहान करिब ११ बजेतिर जिप दुर्घटना हुँदा ३ जनाको मृत्यु भएको जिल्ला प्रहरी कार्यालय रोल्पाका प्रहरी प्रमुख, डीएसपी नरेशराज सुवेदीले जानकारी दिए ।
माडी गाउँपालिकाको हान्निङबाट घर्तिगाउँ आँउदै गरेको रा १ ज ३८२ नम्बरको जिप घर्तिगाउँ बजार नजिक सडकबाट झण्डै ३ सय मिटर तल खसेको प्रहरीले जनाएको छ । प्रहरीका अनुसार जिपमा रहेका अन्य ३ जना गम्भिर घाईते भएका छन् । उनीहरूको घर्तीगाउँमै उपचार भैरहेको छ । प्रहरीका अनुसार मृतक तथा घाईतेहरूको पहिचान भैसकेको छैन ।