राप्तिसोनारी: बाँकेको राप्तीसोनारी गाउँपालिकामा विभित्र पार्टी परित्याग गरी ९३ जना नेपाली कांग्रेसमा प्रवेश गरेका छन् ।
गाउँ इकाई सभापति भिम बहादुर रानाको सभापतित्व एवं जिल्ला उपसभापति फुलाराम थारुको प्रमुख आतिथ्यता तथा पार्टीका जिल्ला सचिव तप्त पौडेलको विशिष्ट आतिथ्यतामा वडा नम्बर २ मा भएको पार्टी प्रवेश कार्यक्रममा राप्रपा र नेकपा छोडेर उनीहरु कांग्रेसमा प्रवेश गरेका हुन् ।
थारु र पौडेलले उनीहरूलाई पार्टी प्रवेश गराउनुभएको थियो । कार्यक्रममा बोल्दै उपसभापति थारुले पार्टीलाई एकाकर बनाएर लोकतन्त्रप्रति प्रतिबद्ध भई अघि बढ्न जरुरी रहेको बताउनुभयो ।
पार्टी सचिव पौडेलले अहिले कांग्रेसको काँधमा दुई वटा जिम्मेवारी रहेको बताउँदै भन्नुभयो-‘एउटा पार्टीको अधिवेशन पारदर्शी र निष्पक्ष ढंगले सम्पन्न गर्नुछ र अर्को विभित्र पार्टी परित्याग गरी कांग्रेसमा आएकाहरुलाई योग्यता र हैसियत अनुसार जिम्मेवारी दिई कम्युनिष्टको अधिनायकवादका विरुद्ध लड्नुछ ।’
गाउँ इकाई सचिव तुलाराम खत्रीले संचालन गर्नुभएको कार्यक्रममा क्षेत्रीय सचिव डिल्ली गिरीले पनि बोल्नुभएको थियो । गाउँ इकाई उपसभापति चित्र बहादुर डाँगीले स्वागत मन्तब्य व्यक्त गर्नुभएको कार्यक्रममा जिल्ला सदस्य पवन शाह लगायतको उपस्थिति थियो
