शिवालयले मनायो अन्तर्राष्ट्रिय महिला दिवस

जाजरकोट:शिवालय गाउँपालिका उपाध्यक्ष गिता शाहीको अध्यक्षता एवं निवर्तमान गाउँपालिका अध्यक्ष नरेन्द्र बहादुर शाहीको प्रमुख आतिथ्यमा बुधबार ११३ औं अन्तर्राष्ट्रिय श्रमिक महिला दिवश विभिन्न कार्यक्रम सहित सम्पन्न भएको छ। उक्त कार्यक्रम शिवालय गाउँपालिका स्तरीय कार्यक्रम सचेतता मुलक लोकगित र नृत्य प्रतियोगिता आयोजना गरीएको थियो। प्रथम स्थान ल्याउनेलाई नगत रु ४ हजार प्रमाणपत्र द्वितीय स्थान ल्याउने लाई नगत रु ३ हजार सहित प्रमाणपत्र तृतीय स्थान ल्याउनेलाई नगत रु २ हजार र प्रमाणपत्र बितरण गरीएको थियो। बिगतका दिनहरूमा वडा स्तरमा मनाईने अन्तर्राष्ट्रिय श्रमिक महिला दिवश यसपटक भने गाउँपालिका स्तरीय बनाएर लोकगीत र नृत्य प्रतियोगिता सहित कार्यक्रम गरेको शिवालय गाउँपालिका निमित्त प्रमुख प्रशासकीय अधिकार दल बहादुर बांठाले जानकारी दिनुभयो। शिवालय गाउँपालिकाको आयोजनामा भएको उक्त कार्यक्रममा नृत्य र लोकगीत प्रतियोगितामा सहभागी सबैलाई कर बाहेक नगत रु १ हजार र प्रमाणपत्र बितरण गरीएको थियो। प्रमुख अतिथि नरेन्द्र बहादुर शाहीले आगामी दिनहरुमा समेत यस्ताखाले कार्यक्रमलाई निरन्तरता दिन कार्यक्रमका अध्यक्ष एवं गाउँपालिका उपाध्यक्ष गिता शाहीलाई अनुरोध गर्नुभयो। अन्तमा कार्यक्रममा सहभागी सबैलाई धन्यवाद ब्यक्त गर्दै कार्यक्रमका अध्यक्ष एवं गाउँपालिका उपाध्यक्ष गीता शाहीले आगामी दिनहरुमा समेत यस्तो कार्यक्रमलाई निरन्तरता दिने प्रतिबद्धता सहित सहभागी सबै र प्रतियोगितामा स्थान ल्याउन सफल सबैलाई धन्यवाद ब्यक्त गर्दै कार्यक्रम समापन गर्नुभएको प्रमुख प्रशासकीय अधिकृत बांठाले जानकारी दिनुभयो ।