बैजनाथ, भदौ ५ – बैजनाथ राष्ट्रिय दैनिकको आयोजनामा बैजनाथ गाउँपालिका–५ स्थित कृष्ण कमल पार्टी प्यालेसमा आज “आदर्श तीज नृत्य प्रतियोगिता–२०८२ (सिजन–२)” भव्य रुपमा सम्पन्न भएको छ।
कार्यक्रमका प्रमुख अतिथि लुम्बिनी प्रदेशका पूर्व सामाजिक विकास मन्त्री रत्न बहादुर खत्री रहेका थिए भने विशिष्ट अतिथि बैजनाथ गाउँपालिकाका उपाध्यक्ष निर्मला रोकाय बिशिस्ट अतिथी भगवती शाह कर्ण बहादुर कठायत र सुरेस सुनार अतिथी नेपाली काङ्ग्रेस प्रतिनिधि बिनोद थारु,नेकपा एमाले प्रतिनिधि पद्मा रोकाय नेकपा (एकीकृत समाजवादी) जय बहादुर शाह लगाएत सहभागी विद्यालय विद्यालयका प्रतिनिधि र विद्यार्थीहरुको उपस्थितिमा विभिन्न प्रतिष्ठित व्यक्तित्वहरूको उपस्थिति उल्लेखनीय रहेको थियो।
कार्यक्रमको मुख्य आकर्षणमा आदर्श तीज नृत्य प्रतियोगितासँगै सामाजिक तथा मानवीय सेवामूलक गतिविधिहरू समावेश भएका थिए। प्रतियोगितामा बाँके जिल्लाका विभिन्न स्थानीय तहअन्तर्गतका १४ विद्यालय सहभागी भएका थिए।
प्रतियोगितामा कोहलपुर नगरपालिका–१२ स्थित ग्रीनफिस इङ्लिस मिडियम स्कूल प्रथम, सरस्वती इङ्लिस मिडियम स्कूल बैजनाथ द्वितीय तथा बागेश्वरी एकेडेमी, कोहलपुर तृतीय स्थान हासिल गर्न सफल भए। विजयी विद्यालयहरूलाई क्रमशः २५ हजार, १५ हजार र १० हजार नगदसहित बैजनाथ गाउँपालिका उपाध्यक्ष निर्मला रोकाय र बिशिस्ट अतिथी समाजसेवी भगवती शाहले प्रमाणपत्र सहित पुरस्कार प्रदान गरिएको थियो।
यसैगरी कार्यक्रममा रक्तदान कार्यक्रम सम्पन्न भएको थियो, जसअन्तर्गत १३ पिन्ट रगत सङ्कलन गरिएको आयोजकले जनाएको छ। दर खुवाउने विशेष कार्यक्रमका साथै बैजनाथ गाउँपालिकामा यसवर्षको एसइइमा सामुदायिक र संस्थागत विद्यालय दुबै तर्फका प्रथम विद्यार्थीलाई सम्मान गरिएको थियो। साथै, बाँके जिल्लास्तरमै प्रथम हुने विद्यार्थीलाई पनि सम्मानपत्र र पुरस्कार प्रदान गरिएको थियो।
कार्यक्रममा करिब ४०० जना दर्शक तथा अतिथिहरूको सहभागिता रहेको थियो। यससँगै कौशिल्या अस्पतालका निर्देशक शंकर न्यौपानेले निशुल्क आँखा स्वास्थ्य शिविर समेत सञ्चालन गरिएको थियो, जसले कार्यक्रममा थप आकर्षण थपेको थियो।
आयोजक संस्थाका अनुसार, आगामी दिनमा पनि बालबालिकाको सिर्जनात्मक क्षमता, प्रतिभा र संस्कृतिको संरक्षण गर्न यस्ता कार्यक्रमलाई निरन्तरता सँगै सहयोगी दाता,विद्यालय संघ संस्था ब्यक्ति स्थानीय सरकार सबैलाई धन्यवाद ब्यक्त गर्दै आगामी दिनहरूमा समेत निरन्तर सिजन २ संचालन गर्ने प्रतिबद्धता गर्दै कार्यक्रम समापन गर्नुभएको कार्यक्रम संयोजक बिशन गुरुङले जानकारी दिनुभयो ।
