बाँके: नेकपा (एकीकृत समाजवादी)को चौथो स्थापना दिवसको अवसरमा वागेश्वरी बहुमुखी क्याम्पस, कोहलपुर परिसरमा वृक्षारोपण कार्यक्रम सम्पन्न गरिएको छ।
कार्यक्रममा जिल्ला उपाध्यक्ष शिव प्रसाद डाँगीको अध्यक्षता तथा लुम्बिनी प्रदेश अध्यक्ष अब्दुल हुँसैन खान, नेतृ नारायणी ओली, मन्जु कोईराला लगायतका नेताहरूको उपस्थिति रहेको थियो। सो अवसरमा युवा तथा विद्यार्थीहरूको सक्रिय सहभागिता रहेको जिल्ला सचिव तेज प्रसाद अधिकारीले जानकारी दिनुभयो।
वृक्षारोपण कार्यक्रममार्फत पार्टीले वातावरण संरक्षण र हरित अभियानलाई अघि बढाउने सन्देश दिएको आयोजकले जनाएको छ।
