कोहलपुर : प्याब्सन कोहलपुर नगरको आयोजनामा सम्पन्न तिज गीत–नृत्य प्रतियोगितामा नमूना विद्या सदन प्रथम स्थान हासिल गर्दै नगद २५ हजार रुपैयाँ पुरस्कार प्राप्त गर्न सफल भएको छ।
विद्यालयका अध्यक्ष प्रकाश शाहका अनुसार नमूना विद्या सदनले स्थापना कालदेखि नै गुणस्तरीय शिक्षा, अतिरिक्त क्रियाकलाप, संस्कृतिको संरक्षण र नैतिक शिक्षालाई आफ्नो प्रमुख लक्ष्य बनाउँदै आएको छ।
कोहलपुर नगरपालिका प्याब्सन नगर कमिटीले आयोजना गरेको उक्त प्रतियोगितामा विद्यार्थीहरूको उत्कृष्ट प्रस्तुतिका कारण विद्यालयलाई विजेता घोषित गरिएको हो।
नतिजा प्राप्तिपछि विद्यालय परिवारले सम्पूर्ण छात्रा तथा सहभागी टोलीलाई हार्दिक बधाई दिएको छ। सो अवसरमा विद्यालयका प्रिन्सिपल सुदन गुरुङ, सम्पूर्ण शिक्षक–शिक्षिका र विद्यार्थीहरूलाई प्रबन्ध निर्देशक शिव प्रसाद डाँगीले विशेष धन्यवाद दिँदै निरन्तर यस्ता क्षेत्रमा विद्यालय सक्रिय रहिरहने प्रतिबद्धता व्यक्त गर्नुभयो।
