अनमोल दलामी, संवाददाता
बाँके, जेठ १६
कोहलपुर–११, बाँकेस्थित निम्बल एकेडेमीमा २०८२ शैक्षिक सत्रका लागि विद्यालय कप्तान, उपकप्तान र चार हाउसका कप्तान तथा उपकप्तान चयन भएका छन्।
विद्यालय कप्तानमा विकास शाही २१४ मतसहित विजयी बनेका छन्। उनका प्रतिस्पर्धी कमल बुढाले २०८ मत ल्याए। ६ मतको जितसँगै शाहीले दोस्रो प्रयासमा सफलता हात पारेका हुन्।
उपकप्तानमा करिश्मा खत्री २३६ मतसहित निर्वाचित भइन्।
चार हाउसको नेतृत्वमा निलो हाउसबाट विजय बुढा र रोजिता पौडेल, रातो हाउसबाट दिपाली सिंह र अश्विन शर्मा, पहेंलो हाउसबाट स्वर्णिमा गिरी र दिवस बुढा तथा सेतो हाउसबाट प्रकाश बिक र निशान्त केसी विजयी भए।
विद्यालयका सहायक प्रधानाध्यापक राजेन्द्र बुढाथोकीले नेतृत्व चयनले विद्यालयको समस्या समाधान र अनुशासनमा सकारात्मक प्रभाव पार्ने बताए।
प्रधानाध्यापक रमेश खत्रीले चुनावमा सहयोग गर्ने सबैप्रति आभार व्यक्त गर्दै निर्वाचित टोलीलाई सफल कार्यकालको शुभकामना दिएका छन्।
