काठमाण्डौ भदौ २९– काठमाण्डौको बौद्धमा रहेको भाटभटेनी सुपर स्टोरमा छ वटा शव भेटिएका छन् । जिल्ला प्रहरी परिसर काठमाण्डौका प्रहरी उपरीक्षक एवम् प्रवक्ता अपीलराज बोहराका अनुसार जलेको अवस्थामा हिजो पाँच वटा र अस्ति एउटा गरी छ वटा शव भेटिएका हुन् ।
ती शवको पहिचान खुल्न नसकेको र पोस्टमार्टमका लागि त्रिवि शिक्षण अस्पताल पठाइएको छ । जेन–जी आन्दोलनकाक्रममा भाटभटेनीमा आगजनी भएको थियो ।
