काठमाडौँ – देशभर आज सुनको मूल्य सामान्य रूपमा बढेको छ। नेपाल सुनचाँदी व्यवसायी महासङ्घका अनुसार सुन तोलामा २०० रुपैयाँले बढेर तोलाको २,५२,१०० रुपैयाँ पुगेको छ । हिजो यो मूल्य २,५१,९०० रुपैयाँ थियो ।
सुनसँगै चाँदीको मूल्यमा पनि उल्लेख्य वृद्धि भएको छ । आज चाँदी तोलामा १५० रुपैयाँ बढेर तोलाको ३,७५० रुपैयाँ पुगेको महासङ्घले जनाएको छ। यो मूल्य अहिले सम्मकै उच्च हो ।
हिजो चाँदीको दर ३,६०० रुपैयाँ थियो भने यसअघि मंसिर १७ गते तोलाको ३,६५५ रुपैयाँ पुगेको इतिहास छ ।
