कोहलपुर १९ पुस
बाँसगढी नगर स्तरीय चौंथो मेयरकप रनिङ शिल्ड तथा १४ औं राष्ट्रपति रनिङ्ग शिल्ड खेलाडी छनौट प्रतियोगिता आइतबारदेखि बर्दियाको ककौरा नगरपालिका स्तरीय खेलकुद मैदानमा सुरु भएको छ ।
प्रतियोगिताको लुम्बिनी प्रदेश सांसद कविराम थारुले उदघाट्न गरेका थिए । उदघाटन सत्रमा बोल्दै सांसद थारुले खेलकुद स्वास्थका अति आवश्यक रहेको बताउदै बालबालिकाहरु लाई सैद्धान्तिक ज्ञान संगै खेलकुद विकासमा जोड दिनुपर्ने बताएका छ्न । त्यस्तै बांँसगढी नगरपालिकाका नगर प्रमुख सालिकराम अधिकारीले नगर स्तरीय मेयर कप प्रतियोगिताले राष्ट्रिय खेलाडी उत्पादन गर्न सहयोग गर्ने बताउदै नगरपालिकाले खेलकुदको क्षेत्रमा बिबिध गतिविधि संचालन गर्दै आएको बताए । बालज्योती एकेडेमीको व्यवस्थापनमा संचालन गरिएको सो प्रतियोगितामा एथलेटिक्स ,भलिबल ,कराते,लङजम्प , हाइजम्प लगायतका प्रतियोगिता संचालन भैरहेका छ्न । कतिपय एथलेटिक्स तर्फका खेलहरु फाइनल भएका छ्न । पुस २२ गते सम्म संचालन हुने सो प्रतियोगितामा बाँसगढी नगरपालिका भित्रका २७ वटा विद्यालयहरु खेलाडी विद्यार्थीहरुले सहभागीता जनाएका छ्न ।
